Wednesday, December 13, 2017
A huge collection of 3400+ free website templates JAR theme com WP themes and more at the biggest community-driven free web design site
Home » Drag Racing » One Cool Summer 2015

One Cool Summer 2015

ocs2015

“The Revival of Palo Marga”
The event to raise the necessary funds for the current repair and maintenance of our race track and its equipment.

Oranjestad, Aruba—Pa prome biaha den historia un grupo dedica di coredor a haja nos pista di International Raceway Park Palo Marga pa asina hasi un fundraising event pa por crea e fondo nan necesario pa trese mehoracion y mantencion na nos pista.

Teniendo cuenta cu e grupo aki ta coredor nan, a wordo disidi entre nan di asina crea un organización cu e persona nan capacita di por organisa un evento grandi manera One Cool Summer. Lastimamente nos a wordo aserca laat y asina nos ta haja nos mes ta traha den un “time frame” hopi limita. Pero cu drag racing sport na nos curason, nos ta acepta e reto aki y ta sigur cu e persona nan adecua como guía den e organización nos lo hasi e evento di One Cool Summer 2015 “The Revival of Palo Marga” un éxito completo.

Pa medio di esaki, nos kier pone énfasis ariba e tema di “fundraising”. Nos tin un team di financial controllers cu lo zorg pa trese e transparencia exigi pa tanto anja door di nos coredornan local. Asina nos por duna garantía 100% cu delaster un florin lo bay bek pa Palo Marga.

Nos financial controllers nan ta, Giancarlo Arendsz (Corporate finance AIB), Jayesh Daryanani (Owner/Director Inshallah NV.) y Rignald Martis (Manager Life and Employee Benefits Guardian Group Fatum).

Na e timon di e team nos tin Holmo Henriquez (Owner/Director pa Amerijet y Arufreight), y e resto di e team organizador ta Jouraine Vrolijk (HR Manager Glitz Casino), Celio Vrolijk (Owner/Director CVArchitecture), y Ing. Dennis Ecury (Owner/Director Capricorn One NV).

E team organizador ta wordo conseha riba aspecto nan technico lokual ta careda door di coredor nan conosi manera Kedy Koolman, Jean-Carlo Reyes, Jobert Reyes, Max Arendsz y Raul Lopez.

E 2 team nan aki ta wordo representa door di nos PR Jayson Geerman. Asina aki nos a traha un event Schedule hopi atractivo tanto pa coredor nan como fanatico.

Nos meta ta pa purba crea mas fondo posibel, trese claridad riba e parti económico, duna nos sponsor nan e exposure cu nan merece, y laga un team technico hasi un evaulacion completo di e pista pa asina nos team di financial advisors por manda bestel tur lokual nos budget lo permiti pa drecha Palo Marga. Nos ta spera di por conta cu apoyo di entre otro prensa, comerciante nan, fanatico nan y tambe nos coredor nan local pa asina bini hunto y traha na bienestar di nos pista International Raceway Park Palo marga.

Check Also

Balashi Finals Day2 (Nov-25-2016) RESULTS & COVERAGE

Resultado TROP2 Balashi Finals 25/11/2017 Race Day-2 JR-DRAGSTER: 1. Reggie Eduarda Racing P-NuTz 2. Jorick …

Leave a Reply

Your email address will not be published. Required fields are marked *