Monday, November 20, 2017
A huge collection of 3400+ free website templates JAR theme com WP themes and more at the biggest community-driven free web design site
Home » Drag Racing » One Cool Summer Part 2: Resultado

One Cool Summer Part 2: Resultado

Resultadonan di One Cool Summer Nationals 2015

Diasabra ultimo dia 19 di september un biaha mas tabata jena cu speed y accion riba International Raceway Park Palo Marga caminda e caredanan di drag racing a tuma lugar pa asina completa e evento di One Cool Summer Nationals 2015.

Despues di sigur algun ora jena cu adrenalina y tension, caminda coredornan y publico a sa di respalda e evento un biaha mas, awe nos por presenta e resultadonan di diasabra ultimo di One Cool Summer 2015:

Den e categoria Natural Aspirated Front Wheel Drive a keda na prome lugar Carl Werleman caminda e di dos lugar a bai pa Edward Croes.

Den e categoria Outlaw Front Wheel Drive cu un bes mas a mira accion Reynaldo Kelly a keda na di dos lugar ora ela cai venci pa Jason Nicholls cu a bai cu e titulo maximo di Outlaw FWD.

Quick 16 bike tambe ta un categoria cu a mira accion un bes mas diasabra ultimo. E careda final a bai entre Jayson Geerman y Angelo Ras, caminda Angelo Ras a sa di bai cu e ultimo winlight di e categoria aki y asina titula su mes campeon di Quick 16 bike.

Den e categoria Super Street 10.90 e rumannan Reyes a sa di domina e categoria y a topa otro den final. Ta bon pa remarca aki cu un categoria dedica na sr. Roy Reyes, nan tata, e dos rumannan aki a sa di bataya te final caminda den final Jean Carlo Reyes a cai venci pa su ruman Jobert Reyes cu a keda e maximo ganador di e categoria aki.

E categoria Quick 16 auto a mira accion entre varios autonan import batajando cu esnan di 8 cylinder. Aki e final a bai entre Jean- Carlo Ras y su JR Madness Datsun y Shaquil Geerman manehando e Corvette Proud & Rebel. Un careda sigur caminda a wordo dicidi ken ta haja e trofeo maximo cu ta e Iron Eagle di IHRA pa e categoria aki cu a wordo dedica na nos amigo Emilio Ortiz (q.e.p.d.). Aki Jean-Carlo a sa di titula su mes campeon di e categoria.

Finalmente den e categoria crazy 8’s cu e index di 8.88 e final a bai entre Alexander Croes cu su Hot Roller altered y Ling Angela cu su Johannes Racing. Den e careda final aki Ling Angela a sa di tuma e ventaha coriendo un tempo di 8.88 den final y asina titula su mes e campeon di e categoria aki. Esaki tabata tambe e ultimo careda di e anochi cu a caba na un ora respeta di 2or di marduga.

Sigur di parti di comishon One Cool Summer 2015 y Aruba Drag Racing Association nos kier a manda palabranan di danki na cada un di e Officialnan cu a pone nan mes disponibel diasabra ultimo un biaha mas pa bai pista di Palo Marga y juda pa asina por a hasi e evento aki posibel. Tambe na tur e comerciantenan cu a sa di duna nan aporte di un manera of otro, media y sin laga afor e coredornan cu a participa na e evento y tambe na e cantidad di publico cu a acudi un biaha mas na pista di Palo Marga pa asina aki haci e dia final di One Cool Summer Nationals 2015 un evento sumamente exitoso.

Tambe nos kier a hasi uso di e oportunidad aki pa anuncia cu nos proximo evento lo ta diadumingo 27 di september. E dia lo ta jena cu varios actividad di motorsport. Keda pendiente pa mas informacion encuanto e programa di e dia aki.

Check Also

Balashi Finals Coverage & Results

Balashi Finals Coverage and Results Click on Read More to view complete article. Best free …

Leave a Reply

Your email address will not be published. Required fields are marked *