Team Aruba ta marca historia na Cordova

teamarubahistoria1

 

Depues di a qualifica pa di dos biaha consicutivo como nr 1 diadomingo anochi pa prome biaha den historia di The Brute Racing Organisation den presencia di nos Prome Minister Mike Eman Team Aruba ta gana e titulo maximo di un evenemento di ADRL! Un pabien grandi ta bai na e motor tras The Brute Ven Eman y su yui Trevor Eman cu semper anja den y anja afor a keda lucha. Aruba por ta orguyoso paso un otro talento local ta laga Aruba su nomber resona duro internacionalmente.

“Nos a lucha hopi pa esaki:, Trevor Eman a cuminsa ta bisa. “Mi ta hopi contento di por a logra esaki specialmente pa mi Tata. Nos tin anjas caba ta lucha y struggle anto awe tur cos a bai manera nos a desea.”

teamarubahistoria2

 

“Mi kier a gradici mi team completo cu a keda para nos tras durante tur e anja nan.” Trevor a continua. ” Di nos crew chief te cu nos driver di truck Bobby, nos media group cu semper ta haci lo maximo pa Aruba y mundo henter sa di nos movicion nan. Tambe mi kier a gradici Min. President cu a bin apoyami na e careda aki. Pero muy particularmento mi kier a gradici nos fanticonan local y internacional cu semper a keda respalda nos. Sin tur e sosten nan aki nunca nos lo a logra esaki. Awor up to the next!”

teamarubahistoria3