E weekend aki tin e final di e IHRA Summit Super Series na Palo Marga.

IHRASummittransp

E weekend aki Palo Marga lo tin un two day bracket riba Diabierna y Diasabra pa asina sera tambe e IHRA Summit Super Series di Merca pa hanja sa kendenan lo hanja e derecho di representa Aruba den e Team Finals. Ta asina cu ganador di e IHRA Super Summit Series lo por dicidi si nan kier bai core e team finals pa wak si nan ta avansa pa e World Finals of si nan kier bai pa e wild card. E careda aki tambe lo ta valido pa e Mio Wireless Point Series local cu por cierto ainda no a jega su parti final dus ainda e coredornan tin algun careda mas pa sigui acomula puntonan. Diabierna porta ta habri pa 6or di atardi y e qualifying ta cuminsa pa 7or di anochi pa e categorianan Jr. Dragster, No Box, Box y Sportsman Bike mientras cu Diasabra porta ta habri pa 5or di atardi y e qualifying ta cuminsa pa 6or di atardi pa e categorianan Jr. Dragster, No Box, Box, Pro ET Bike y e showdown di e autonan Front Wheel Drive. Inschrijving ta Afls. 80,= y ta wordo tuma na porta mes mientras cu e entrada ta bai ta Afls. 20,= pa persona mientras cu e animacion musical ta bai ta den man di Megateca Genie. E standing di e promenan den e IHRA Point Series ta como lo siguiente; Jr. Dragster 1. Celine Fingal cu 590 punto, 2. Christine Fingal cu 520 punto, 3.Leendrick Lacle cu 460 punto y 4 Micheal Wever cu 420 punto. Pa e categoria No Box ta 1. Jean-Carlo Reyes 430 punto, 2. Rodney BareƱo 310 punto, 3. Jean-Carlo Ras 310 punto y 4. Kendrick Kelly 290 punto. Pa logue ta trata e categoria Box ta 1. Jobert Reyes 360 punto, 2. Marcelino Angela 340 punto, 3. Keldrick Koolman 310 punto y Eugene Dirks tambe cu 310 punto. Pues mane e standing aki ta mustra cu e fin di siman aki e bataya ta bai ta basta hot riba pista di Palo Marga pa asina mira kende lo bira e points leader di e IHRA Summit Super Series mientras cu e otro participantenan lo sigui keda acomula punto pa e Mio Wireless Point Series local.

ihra member track transpIMG_6739

 

Article by Palomarga PR