Dragstock X ta programa pa bira un evenemento grandi pa Team Aruba

teamaruba1

ORANJESTAD: E evento di ADRL’s Dragstock cu ta tuma lugar e aña aki na Rockingham, NC a bira uno legendario pa cual motibo esaki a bira e ‘highlight’ di aña pa tur coredor y fanatico di dragracing. Pa Team Aruba, Dragstock X e aña aki lo ta serca di nan ‘shop’ na Union, South Carolina cu ta haci e evento aki un aun mas importante pa Team Aruba.

Dragstock X lo tuma lugar e weekend aki dianan 6,7 y 8 di September proximo. Team Aruba ja caba ta di diaranson na e pista di Rockingham pa asina prepara pa e weekend. Nan lo cuminsa cu un test session diahuebs pa asina prepara nan Ford Mustang pa, diabierna ora tin e tan anticipa ‘Battle for the Belts Shootout’. E ganador di esaki lo bai cu e premio maximo y lo wordo corona como e Champion of the Belt 2013.
Dragstock ta conoci como e evenemento di mas largo y mas intenso di ful e programa di ADRL pa 2013.
“E ta un privilegio grandi pa por cualifica pa un evento asina grandi mirando cu solamente e top 8 coredornan di cada categoria por participa. Obviamente nos meta ta pa logra tres run consistente y liher e diabierna aki pa nos por bai cu e premio mayor esta e ‘Belt’, pero mi tin cu bisa cu pa nos simplemente participa na e evento aki caba ta un satisfaccion grandi”, segun Eman. Diasabra lo sigi cu e cualificacion pa e caredanan di Diadomingo.

Tur fanatico di Drag Race, en especial fanaticonan di Trevor Eman y Team Aruba por mira ADRL Dragstock X e fin di siman venidero ariba ADRL.us Live Feed. Ademas por sigui e desaroyonan di Team Aruba ariba facebook.com/teamarubaracing y tambe ariba Twitter @TeamArubaRacing.

Article by Team Aruba