Kedy Koolman lider den categoria Box na Palo Marga pero sigui di cerca door di Jobert Reyes

box1

E Mio Wireless Point Series di Palo Marga ta den su recta final y ta birando dia pa dia mas interesante. Pa loque ta trata e categoria IHRA Summit Series Box cos por cambia un ora pa otro como cu e promer lugar y e segundo lugar tin solamente 10 punto ta separa nan for di otro. E point series local di Palo Marga pa di dos aña consecutivo ta wordo patronisa pa e compania mas inovativo den comunicacion wireless aki na Aruba, esta Mio Wireless kendenan durante di e luna di December lo tene nan award night pa tur e ganadornan. Pa loque ta e point standing for di posicion 3 bai abao te na posicion 10 e puntonan ta pega pega cu otro y ta duna indicacion cu un ora pa otro henter e standing por cambia y si tin di e autonan aki no core nan ta core e dos proximo caredanan e risico ta bira asina grandi cu hasta nan por cai afor di e top 10 den e categoria IHRA Summit Series Box.

1) Kedy Koolman – 520 punto
2) Jobert Reyes – 510 punto (-10 punto tras di e lider)
3) Jeandeline Koolman – 420 punto (-100 punto tras di e lider)
4) Raul Lopez – 420 punto (-100 punto tras di e lider)
5) Marcelino Angela – 380 punto (-140 punto tras di e lider)
6) Eugene Dirksz – 380 punto (-140 punto tras di e lider)
7) Ruzischka Tromp – 360 punto (-160 punto tras di e lider)
8) Dieudone Paalman – 360 punto (-160 punto tras di e lider)
9) Mau Werleman – 360 punto (-160 punto tras di e lider)
10) Jean Carlo Ras – 350 punto (-170 punto tras di e promer lugar)

box2 box3

Diasabra awor dia 9 di November lo bai tin e One Day Bracket November Edition mientras cu dianan 29 y 30 di November lo bai tin e gran Palo Marga Finals pues den e dos caredanan aki tur cos por cambia ainda. Tur e garashinan rond di Aruba tin movecion paso esakinan ta bai bira e ultimo simanan pa haci e adjustmentsnan necesario pa e autonan ta cla pa bai Palo Marga pa asina nos por hanja sa kendenan lo bira e ganadornan di e Mio Wireless Point Series. Un biaha mas e pista di Palo Marga y The Boss Racing Foundation ta cumpli cu e deporte di drag aki na Aruba y ta hanjando reconocimentonan international tanto di prensa international como tambe IHRA como un di e pistanan pafo di Merca cu a logra bira miembro di IHRA y ta manteniendo su status y certificacion durante 2013 y lo sigui cu IHRA durante 2014. Despues cu e aña aki The Boss siguiendo cu e programa di IHRA Summit Super Series a honra tambe e participacion di e muchanan di Jr. Dragster den e point series, awor tur cos ta indica cu pa otro aña un otro categoria mas lo wordo cori na Aruba cual lo duna e coredonan local puntuacion cu na final nan lo por bai representa Aruba na Merca durante di e IHRA World Finals, pero den e proximo dianan lo bai trece mas informacion tocante di esakinan pa e coredornan y amantenan di drag.

 

Article by Palomarga PR