Micheal Wever y Jeager Ching ta empata na promer lugar den Sportsman Bike na Palo Marga

sportsmanbike1

Un di categorianan cu a crece basta den 2013 y tambe ta valido pa e Mio Wireless Point Series 2013 ta e categoria Sportsman Bike. Den e categoria aki tin un cantidad basta grandi di coredornan cu ta participa den caredanan local di drag como tambe den caredanan di street legal pues por mira den e categoria hopi bon reaction time y caredanan close cu ta algo cu e fanaticonan ta gusta bastante. Jegando na e parti final di e aña 2013 e Mio Wireless Point Series pa e categoria Sportsman Bike ta como lo siguiente:

1) Micheal Wever – 490 punto
2) Jeager Ching – 490 punto
3) Pierre Wever – 460 punto (-30 punto tras di e promer lugar)
4) Luigene Eduarda – 450 punto (-40 punto tras di e promer lugar)
5) Richard Croes – 440 punto (-50 punto tras di e promer lugar)
6) Eugene Flanegin – 390 punto (-100 punto tras di e promer lugar)
7) Cedrick Maduro – 380 punto (-110 punto tras di e promer lugar)
8) Ben Jones – 360 punto (-130 punto tras di e promer lugar)
9) Marcel de Cuba – 360 punto (-130 punto tras di e promer lugar)
10) Jerry Jones – 340 punto (-150 punto tras di e promer lugar)

sportsmanbike2 sportsmanbike3

Mane tur hende por wak e prome 5 lugarnan ta basta cerca di otro y na cualkier momento e standing den e Mio Wireless Point Series por cambia den e categoria Sportsman Bike tambe. Diasabra awor dia 9 di November lo bai tin un careda di One Day Bracket November Edition sigui na final di November dianan 29 y 30 di November e Palo Marga Finals pues hopi cos por pasa ainda y ta haci e final den e categoria aki di Sportsman Bike uno basta dramatico.

Article by Palomarga PR