Dia di Betico Streetlegal Night

betico

Un di e personanan cu sigur a contribui grandemente na realisacion di e pista di Palo Marga tabata Sr. Betico Croes (q.e.p.d.) y mirando e cantidad di peticionan cu tabata jegando na The Boss Racing Foundation pa reanuda operacion di Operation Street Legal pa 2014 a keda dicidi cu Diasabra awor 25 di January lo habri e pista di Palo Marga pa un evento di Street Legal. Mirando cu Diasabra mayoria di e Car Clubnan di Aruba lo ta moviendo rond Aruba a keda dicidi cu lo habri portanan di Palo Marga pa 6or di atardi pa asina tur e car clubnan por caba nan ride pariba na Palo Marga y pa 7or di anochi e actividad di Street Legal mes lo por cuminsa. No ta normal cu pista di Palo Marga ta habri durante di e temporada di Carnaval pero mirando e enthousiasmo di parti di e coredornan cu henter siman a bin ta comenta y puntra pa un careda a dicidi di acerca Minister di Husticia Sr. Dowers kende no a basila y a duna su bendishon di biaha pa asina juda contribui na tene caredanan illegal for di riba camindanan publico. Pues esaki ta bai bira bo oportunidad pa jega Palo Marga y core con duro cu bo kier cu bo auto of brommer di caya y na final di anochi bai cas cu premionan cash tambe den saco

Update: Jan-25-2014

Dia di Betico Streetlegal Night Pictures