Palo Marga preparando pa ranca sali cu nan season 2014

Season 2014 ta cla pa cuminsa na Palo Marga
THE BOSS DRAG WAR LO BIRA E PROME CAREDA OFFICIAL DI DRAG 2014
San Nicolas – Na Palo Marga trabaonan ta andando casi tur dia pa asina e pista y tur e facilidadnan rond di dje ta den condicion pa e temporada 2014 por ranca sali officialmente asina cu Carnaval ta tras di lomba. E proximo eventonan di Street Legal ta programa pa tuma lugar dianan 8 y 22 di Maart mientras cu e autonan mas grandi lo mira accion fin di Maart durante e The Boss Drag War 2014. Ya tin un programa tentativo pa henter e aña 2014 y ta wardando solamente confirmacion di algun promotornan relaciona cu cierto fechanan cu a wordo pidi pa nan tene nan eventonan y pa asina por publica e programa official pa henter aña 2014. Pa loque ta trata e careda di The Boss Drag War esaki lo tuma  lugar Diabierna 28 y Diasabra 29 di Maart y e lo ta valida pa e IHRA Summit Super Series, pues ta recorda e coredornan pa corda renoba nan miembresia di IHRA pa 2014. Riba e Diabierna 28 di Maart lo core e categorianan Jr. Dragster, No Box, Box y Sportsman Bike y Frontwheel Drive, mientras cu Diasabra 29 di Maart ta programa e categorianan Jr. Dragster, No Box, Box, Pro ET Bike y Import Class. Depende e interes tin e posibilidad cu e pista ta habri cu traction e weekend prome pa asina esnan interesa por cuminsa test and tune nan autonan. Durante e proximo dianan tambe lo bai bin mas informacion tocante di eventual cambionan entre otro e introducion di e systema di crossover, pero asina cu esaki ta asi    na leeuw lo informa e coredornan tocante di esaki.
    
Patrick Geerman for Palomarga International Raceway