Mothers Day Street Legal a jega su parti final na Palo Marga

Despues cu Diasabra 10 di Mei pa motibo di awacero e caredanan di Mothersday Street Legal mester a wordo postponi na Palo Marga, Diasabra ultimo di tempran caba coredornan a cuminsa jega pista pa asina termina e caredanan aki. Un cantidad bastante grandi di coredornan a haci uso di e oportunidad brinda di por a inscribi Diasabra ainda pa asina nan tambe ta den e caredanan. Mester remarca cu hopi ta esnan cu ta participa den caredanan di Drag pero ta tene nan mes bezig tambe den Street Legal pa asina mehora nan reaction time riba e lus, unda cu nos por a mira Jorrick Rosel den categoria di street legal auto pero tambe Yaya Simon den categoria di Ladies Cup pone tremendo reaction time riba e scoreboard. Na final di e anochi e coredor cu mas a resalta tabata Jeritza Jansen kende a bai final den tanto Street Legal Auto unda e la keda como sub campeon como tambe Ladies Cup unda e la bira campeon, y bye the way Jeritza ta un Mama dus e la representa e Mamanan dignamente riba Palo Marga pa cual e la hanja aparte di su premio normal su Mothersday Bonus tambe. Mester remarca tambe cu ambos coredor cu a bai e final den Ladies Cup ta Mama pues un palabra di pabien tambe na Xiomara Ras cu a keda como sub campeon den e categoria aki. E resultadonan di e careda a keda como lo siguiente:

Street Legal Auto
1. Jorrick Rosel
2. Jeritza Jansen

Street Legal Brommer
1. Jason (Destroyer) Geerman
2. Anthony Flanegin

Scooter
1. Bryan de Cuba
2. Ransey Trimon

King of the Street
1. Micheal Croeze
2. John Rijke

Ladies Cup
1. Jeritza Jansen
2. Xiomara Ras


IMG_4391 IMG_4392 IMG_4397 IMG_4399 IMG_4400 IMG_4402 IMG_4405 IMG_4406
E proximo actividad di Street Legal lo ta Diasabra awor dia 24 di Mei cuminsando pa 7:30 di anochi cu e qualifying nan y e categorianan cu lo mira accion lo ta Street Legal Auto, Brommer y Scooter.