Aruba ta participa den IHRA SSS World Finals 2014.

Leendrick Lacle ta representa Aruba den categoria Junior Dragster na Memphis Tennessee.

10665105_10152755610272432_4326961745683789175_n

Despues di e clausura di e IHRA SSS 2014 point series aki na Aruba, durante di e evento di One Cool Summer, e joven di apenas 16 anja di edad esta Leendrick Lacle ta hanja notificacion for di IHRA headquarters cu e lo mester presenta na Memphis Tennessee pa asina e core World Finals Super Summit Series 2014. Mesora a cuminsa prepara pa asina e viahe por a bira posibel. Tawata The Boss Racing Foundation cu a brinda e oportunidad na e team di Leendrick esta Tommy Kock Speed Team pa organisa un Street Legal fundraising event. E evento tawata un exito grandi y sigur ta di aprecia con masha hopi coredornan den e categoria street legal auto, motorcycles y scooters incluyendo Junior dragsters y quadracers a duna nan contribucion masal. Despues a sigi e trabaonan pa sigi busca sponsorship pa asina cubri tur gastonan di pasashi, hotel, carrentals y tambe logistica na Memphis Tennessee. Sr. Juancho Werleman cu ta atende cu algun asuntonan di IHRA pa Aruba a pone su mes completamente disponibel pa asina  juda famia Lacle cu tur e detayesnan tanto aki na Aruba y na Merca. Desde cu Aruba ta sponsor IHRA World Championship dos siman di vakantie pa e campeonan, a bira hopi comodo pa sr. Werleman tuma contacto cu sr. Shane Kay, campeon mundial na anja 2012 pa asina e por a duna Leendrick y su team e support necesario pa asina e por ta den e World Finals. Kay hunto cu famia Wilson tin mas di 14 anja den dragracing y ta originalmente di Alabama. Nan ta core over di 30 race events pa anja den dos categoria esta Mod ET y tambe Junior Dragsters. Shane Kay tawata di bishita aki na Aruba anja pasa ora cu e la usa su Free Week Vacation to Aruba hunto cu su senjora Lena y sigur por bisa cu nan a encanta e isla y tambe e hendenan pa cual nan sonjo ta pa bolbe bek cu e famia completo mas otro amigonan jega. Shane Kay hunto cu su partner Joel Wilson y famia a pone 3 Junior Dragster disponibel pa Leendrick por test pa asina defini cua ta e vehiculo cu lo ta confortabel pa Leendrick bai core dianan 9, 10 y 11 di October den e World Finals na Memphis Tennessee. Loke a cai super ventahoso pa Leendrick ta e hecho cu Shane Kay y su jui homber Tucker Kay y tambe e damita Aby Wilson mester a presenta na pista di Memphis den e weekend cu a pasa pa asina nan core den e asina jama Team Finals y tambe den Nitro Jam Division 2 finals. Tucker Kay ta logra bira campeon Diasadomingo anochi di e Division 2 den categoria junior dragster. Leendrick hunto cu su team a jega Memphis e weekend cu a pasa y pa Diasabra merdia nan a bai e pista pa asina conoce famia Kay y Wilson y tawata cuestion di minuut cu ya Leendrick a hanja a oportunidad pa sera conoci cu e vehiculonan pa asina hasi e ahustenan necesario pa cuminsa cu test and tune, cual porcierto a tuma lugar henter Diasabra y Diadomingo. Den un entrevista cu Shane Kay durante di e programa di drag racing esta Den 5 Speed, Kay a splica cu loke tawata sorprendente ta e hecho cu Leendrick tin hopi conocimiento technico di e vehiculonan di drag cual a hasi e proceso mucho mas fasil pa e team Kay-Wilson. Esaki mas cu claro no ta algo cu hopi di e muchanan y jovenan cu ta core junior dragster na Merca ta custuma di hasi. Por bisa cu e test and tune a bai super bon y e team di Kay-Wilson ta hopi optimista pa loke ta bai bira e presentacion di Leendrick e fin di siman cu ta na caminda. Mester bisa tambe cu tanto e tata di Leendrick esta sr. Rudolf Lacle y tambe e asistente di Leendrick esta Gezamir Geerman a hanja tur instrucionan pa loke ta e 3 vehiculonan cu ta bai ta disponibel pa Leendrick e fin di siman aki. Loke ta hasi e ambiente mas agradabel pa Leendrick y su team ta e hecho cu team Kay-Wilson a dicidi cu nan ta bai bek pista desde Diahuebs caba pa asina duna Leendrick e support technico y logistica cu ta necesario. Joel Wilson y su jui muher Aby tambe Shane Kay y Tucker lo ta esnan cu lo coordina tur loke ta necesario pa Leendrick por core e World Finals 2014. Ta di aprecia masha hopi, segun e Vice Presidente di IHRA esta sr. Peaco Skooter, con Aruba ta hasi su maximo esfuerzo pa sponsor IHRA e dos Free Vacation to Aruba cual mas cu claro a pone cu awe IHRA tin mas di 100 pista rond Merca, Canada y Hawaii cu ta core e IHRA SSS y mas di 15 mil miembronan directo cu ta participa den esaki. Den un carta dirigi pa Promer Minister sr. Mike Eman, Skooter a enfatisa cu e esfuersonan pa sponsor vacacionan pa Aruba y tambe promove Aruba via di IHRA ta bin di parti di e coredornan nan mes y esaki sigur mester cuminsa hanja mas atencion di parti di Gobierno y instancianan cu ta traha riba e tereno turistico ya cu e propaganda cu ta keda hasi pa Aruba ta algo inmenso. Aruba lo bai keda pendiente pa loke ta e presentacion di Leendrick Lacle na Memphis y sigur ta cu e bandera di Aruba lo ta na halto durante di caredanan di World Finals di IHRA na Memphis Tennessee. Tawata na anja 2004 cu Jonathan Tromp di Brazilian Flash Racing a titula campeon mundial di IHRA series y tur hende ta desea pa esaki bolbe ripiti pero e biaha aki cu Leendrick Lacle di apenas 16 anja.

10715773_850559774965210_674946365_n IMG-20141005-WA0010