Resultado Mad Max & Easy Racing

E season di drag aki na Aruba a jega su final weekend pasa durante e careda cu a carga e nomber di Balashi Finals.

Mad Max & Easy Racing a baha mas ready cu nunca pa sera aña completo, y ta exactamente locual a pasa.

Diahuebs anochi nos a core e categoria di Pro Et Bike y aki ta Jayson G cu su Destroyer Hayabusa a titula Campeon y Sub Campeon a keda Cederic “Deki” Maduro cu su Army Busa tambe di Mad Max & Easy Racing. Loke ta di remarca ta cu den e ultimo 7 bike nan cu a keda den careda 6 tabata di Mad Max & Easy Racing, kiermen nos a bin por la goma un biaha mas.
Diabierna anochi a core e categoria Sportsman Bike y aki 1 biaha mas Jayson G cu su Destroyer Hayabusa ta bolbe titula Campeon.
Diasabra den e categoria di Jr Dragster ta Celine Fingal a sali sub campeon y den categoria di brommer nos a core Super Comp Bike y un biaha mas Jayson G cu a bin desisivo y tabata “on fire” e weekend ey a bai final atrobe y a sali Sub Campeon. Kiermen nos por wak bek cu Jayson G a core 3 final di tur categoria cu tabata tin e weekend ey.

 

Pa loke ta trata drag aki na Aruba e jega su final, pero nos tin un compromiso mas dia nan 1-2-3 di December na nos hermana isla Curacao den e famoso careda international cu ta hiba e nomber di Curacao Extreme Finals 2016. Mad Max & Easy Racing lo tin un total di 10 bike y 3 Jr Dragster cu lo bai representa Aruba den gran forma.

Gradiciendo na nos famia y fans nan pa e sosten y apoyo durante nos careda nan y nos Sponsor Kendall Motor Oil.

2016 sigur tabata un aña super exitoso pa Mad Max & Easy Racing y den 2017 nos lo bin mesun of mas fuerte di loke tur hende sa di nos team.