Palomarga Update: MOU a wordo firma

Mei-03-2019: Awetardi ministernan sr. Otmar Oduber minister encarga cu Infrastructura y minister sr. Danqui Oduber cu ta minister encarga cu deporta a firma e Memorandum of Understanding (MOU) hunto cu e representantenan di cada deporte pa loke ta trata pista di Palomarga. Papiando akinan di sr. Gregory Kock representando Karting, sr. Jason Fun representando Drifting, sr. Richard Every representando Dragracing(Motorcycle) y sr. Oliver Vieira representando Motocros. Durante di e firmamento tabata falta sr. Joy Werleman cu no tabata pa motibo di ta den exterior. Pero sr. Joy Werleman cu tambe ta representa dragracing (Auto) lo wordo poni na altura debidamente.

E MOU aki ta duna inicio na un era nobo cu lo bai cuminsa cana su caminda manera mester ta. Cada persona representando nan deporte lo metser bai den su seno pa asina apunta e persona cu lo mester bai forma parti di e fundacion. Mester menciona cu no ta e persona cu a firma e MOU mester ta esun cu lo bai ta den e fundacion. Elo apunta un otro perosna cual kisas lo mester tin apoyo mayoria di esnan envolvi cu e deporte pa bai forma parti di e fundacion. Di parti gobierno tambe lo bai tin dos representante.

Mester ra realistico tambe cu tin cosnan cu por e tin cosnan cu no por riba e pista di Palomarga esaki tambe a bin dilanti. E punto mas importante ta cu mester tin un accion rapido pa por mira actividadnan di motor cuminsa cana. Mencionando esaki a bin na palabracion cu kisas pronto lo bai mira accion riba e pista di cual cu tur probabilidad lo bira e caredanan di streetlegal.

Di parti gobierno nan ta ofrece tur sosten y apoyo posibel pa tur cos cana na e mihor forma posibel.