Werkgroep Palomarga ta pidi cooperacion.

Manera ta conoci for di momento cu e memorandum of Understanding (MOU) a wordo firma cu Gobierno di Aruba e grupo encarga yama “Team Werk Groep” mester a bai traha riba un posibel plan pa yega nan un grupo cu lo bai encarga cu e parti organisatorio di tur deporte di motor involvi. Nos ta papiando aki di tanto Karting, Motocross, Driftings y Dragracing. A opta pa un mihor forma di transparencia di envolvi un portal digital oficial bou nomber di www.palomarga.com/informa pa asina tur hende cu tin e deporte di motor na pecho pa registra. Por hasi esaki libremente via e portal digital aki.

“Team Werk Groep” ta hasi un apelacion pa tuma algun minuut dibo tempo pa registra oficialmente riba e portada aki pa asina nos tin un mihor bista di tur participante. Tur persona cu ta un coredo, voluntario, of di un manera of otro forma a yega di envolvi of ta desea di forma parti di un of otro deporte di motor manera ariba menciona pa registra. Registracion ta masha fasil. Na momento cubo yena tur informacion”click riba “submit” y asina finalisa bo registracion. For di awor nos ta gradici tur persona pa nan aporte y sigur contrubui na bienestar di deporte di motor aki na Aruba.